অ’ মোৰ ধৰিত্ৰী আই
চৰণতে দিবা ঠাই,
খেতিয়কৰ নিস্তাৰ নাই
মাটি বিনে অসহায়
দয়া কৰা দয়াশীলা আই
দয়া কৰা দয়াশীলা আই ।
ৰ’দ বৰষুণ কাতি কৰি,
ঘাম পেলাই চহ কৰি,
তোমাৰ বুকুত সোণ চপাওঁ,
আনে নিয়ে কাঢ়ি,
ধৰিত্ৰী আই মোৰ
আমাক তুমি নেৰিবা,
তোমাৰ চেনেহ বিনে আই
আমি নিৰুপায় ।
মাটিকে সাৱটি ধৰি
মাটিকে সাৰথি কৰি
মাটিৰ বুকুত শোণিত ঢালোঁ
জিৰণি পাহৰি
জিৰণি পাহৰি ।
ধৰিত্ৰী আই মোৰ
আমাক তুমি নেৰিবা,
তোমাৰ চেনেহ বিনে আই
আমি নিৰুপায় ।
মই হ’লো মাউৰা ল’ৰা
মোৰ আই নাই
কাবৌ কৰোঁ ধৰিত্ৰী মোৰ
তুমি হ’বা আই ।
মাটি আৰু খেতিয়কৰ
সম্বন্ধ আছে যুগ-যুগৰ
কৃষক মাটিৰ মিলনত
দিয়ে অন্তৰায়,
দিয়ে অন্তৰায় ।
হে মোৰ ধৰিত্ৰী আই
চৰণতে দিবা ঠাই,
খেতিয়্কৰ নিস্তাৰ নাই
মাটি বিনে অসহায়
দয়া কৰা দয়াশীলা আই
দয়া কৰা দয়াশীলা আই ।।
Hits: 1864